Member-only story
追星絕對係一樣值得寫落CV嘅經驗
想增加市場競爭力？追星啦！
喜見近年香港樂壇百花齊放，ig都見多咗好多朋友分享廣東歌。鍾意唱作才華型嘅有林家謙，鍾意有跳唱偶像嘅有Mirror，另外仲有風格別樹一幟嘅樹妮妮Serrini，諸如此類，琳琅滿目。不過偶像（或者歌手、Artist whatever）唔係我今日想講嘅重點，我今日想將重點放喺追隨偶像嘅fans身上。
好多人覺得追星係一樣「嘥錢」、「嘥時間」、「幼稚」嘅事情。會有呢個諗法嘅人本身可能預設咗「追星呢件事本身係冇內在價值(intrinsic value)」呢個諗法。雖然我相信對於fans嚟講，可以親近自己喜歡嘅明星呢件事本身就係最重要嘅目的。之但係好多人都好市儈好現實咖嘛，我今日就唔講無用之用呢啲道家嘢，就用返最功利最現實嘅角度出發，同你講下追星嘅工具價值(instrumental value)。
項目統籌
Mirror出道之後，啲fans嘅應援手法真係睇到我眼都突埋 –—– 送珍珠奶茶、送冬甩俾劇組，仲要加上心意卡呢啲不在話下。偶像生日、出新歌時，佢哋仲會出心出力喺巴士燈箱落廣告幫偶像宣傳。最誇張嗰單，係姜濤喺台灣拍劇時，佢嘅姜糖送咗三架應援車去台灣！而啲應援車上面除咗有姜B嘅相同裝飾，仲有專人喺入面砌漢堡包、有珍珠奶茶、有午餐供應！！！試諗下，如果我而家係Interviewer，叫你organize返一個一模一樣嘅project，你諗唔諗到當中牽涉咗幾多個task？我冇整過應援車，唯有自己brainstorm下：打探劇組時間表、租應援車、設計+訂banner、同當地餐廳／餐飲店聯絡⋯⋯諗到都覺得複雜。講真唔好話派應援車，淨係要我登九巴廣告燈箱，我懷疑我都未必搞得掂。但係呢班fans為咗氹偶像歡心、幫助偶像事業發展，佢哋可以拆得掂咁複雜咁艱鉅嘅project，我表示深感佩服。
影片剪輯、圖像設計、繪圖、Social Media…
派應援車、訂廣告燈箱呢啲可能都要fans club入面最核心最多commitment嘅成員先有份搞。但如果你試下喺ig嘅hashtag嗰欄search某個偶像嘅名，你就會見到好多，好多，好多fans幫佢哋偶像edit嘅相、繪圖、meme……偶像有劇上嗰期，佢哋每日都會整合返偶像當日嘅戲份up上ig／YouTube（雖然可能有侵權問題），有啲仲會喺段clip度加啲自己睇劇時嘅內心OS喺段video入面。又好似上面講到嘅燈箱、應援物，整呢啲嘢全部都需要有photo editing嘅skills。我問你吖，你office啲同事入面，又有幾多人真係識photo/video…
