就是純屬愛 不理對或錯

港版《大叔的愛》主題曲《突如其來的心跳感覺》歌詞淺析

等到頸都長，港版《大叔的愛》終於開播。

可能因為大家都睇過曬日版，對於劇情同人設都非常熟悉，所以大家嘅注意力都擺咗喺Edan、Anson Lo同黃德斌嘅演繹方面。

噉我作為兒登fans，睇住兒登鬼馬嘅演技，聽住佢唱嘅主題曲當然超級開心啦。主題曲MV仲要超多有愛嘅畫面，成個MV都充斥住粉紅泡泡，甜到漏。而MV下面嘅comment都係一致嘅好評（除咗有啲戇鳩分化撚喺度計住邊個唱第一句之外），實在係值得欣喜嘅事情。

我講嘅值得欣喜唔止係我鍾意嘅明星備受欣賞咁簡單，而係大家都覺得Edan同Anson Lo嘅互動畫面好sweet好清新，完全唔似某啲大台觀眾噉覺得同性戀係教壞細佬有傷風化。

幾時都話BL作品係宣傳LGBT嘅最強武器！

歌曲嘅心路歷程

《突如其來的心跳感覺》MV截圖（好難cap啊，盡咗力喇！）

雖然MV畫面好sweet好搞笑，但其實首詞嘅情感好複雜，當中主角經歷咗好多內心掙扎，一步一步摸住石頭過河，拋開世俗嘅枷鎖，先至夠膽去愛。

細味歌詞，嗒落嘅係錯愕、迷惘，幾經探索先至撥開雲霧，得見青天。

（以下只係我對歌詞穿鑿附會、非常片面嘅見解，可以討論，但唔值得太認真看待）

曲：溫翰文；詞：T-Rexx；編：溫翰文@emp；監：Edward Chan/ 溫翰文@emp/ 吳林峰；唱：盧瀚霆 呂爵安

隨視覺 瞬間對望 打上滿天花火
而脈搏 迅速跳動 驚喜交織般散播

是你麼 是愛麼
這感覺難說個清楚

或錯摸 像霧裡探路
為何
神讓我上最不可解的一課

未預計這一秒會這麼震撼我
未了解 怎經過 未定義的衝擊
讓我心跳也因此震動過
未了解 怎識破 幸運亦感失措

恐怕
想太多

若順從直覺 可有對或錯