Member-only story
Fuckgirl是怎樣煉成的
將小女子離經叛道嘅愛情觀整合成文。
警告：本文內含極多衝擊現代社會倫理嘅思想價值，請確保自己喺心境舒暢嘅狀態下閱讀。如果閣下喺閱讀期間出現任何生心理、身心靈上嘅不爽不安不悅不快，概不負責。
如果你有睇過〈碩士半工讀兩年嘅碎碎念〉或者〈愛情的模樣：《戀夏500日》給予嘅啟示〉，你應該會知道我喺過去兩年結束過兩段親密關係。
所謂愛一個上一課，呢兩年嚟我喺各段正式、非正式嘅戀情中獲益良多，建立咗好多違反普世價值嘅愛情觀。
呢篇文會認真梳理一次我當前非常unpopular嘅opinions，齋睇標題都覺得好juicy，希望升嘅只有流量，不包括閣下嘅腎上腺素或者血壓。
戴咗二十萬個頭盔，我準備要發表暴言了：
戀愛係價值交換
首先講下我成個愛情觀嘅大框架：
戀愛係一場令彼此生命錦上添花嘅交易。
呢個諗法唔係咩新事物，我都維持咗相近嘅信念超過五年了。當年個版本係噉嘅：
戀愛係錦上添花，而唔係雪中送炭。
舊版本比較強調個人嘅完整性，主要係鼓勵大家先成為一個生活足夠精彩、心靈足夠健康嘅人先再進入親密關係。親密關係只係你美好生活嘅點綴，而唔係拯救你脫離死蔭幽谷嘅解方。
新版本喺舊版本之上加入咗「彼此」同「交易」嘅元素。意即我哋係兩個（或多個）完整嘅個體，而我哋之間嘅親密關係入面係蘊含價值嘅交換 — — 你俾我一啲甜頭，我又俾返你一啲着數。
根據觀察，親密關係入面恆常被拎嚟交換嘅價值包括「金錢物質」、「情緒價值」，同「性吸引力」。
作為一個有自己經濟能力，亦有社交圈子嘅人，金錢物質同情緒價值我都可以輕易用其他途徑得到。相對地，性吸引力會係親密關係比較「獨家」嘅價值。
不過一般嚟講，我哋同伴侶嘅相處時間通常都頗長，所以對方都需要提供到一定嘅情緒價值俾我，令我覺得「同你一齊唔會衰過我見朋友／自己獨處」。
噉當然，講明交換，即係我都應該要提供返等同或相近嘅價值俾對方。唔係嘅話，對方唔係水魚，應該都唔會想睬我。
上面講嘅大框架其實都OK正路，以下要講嘅嘢開始會衝擊道德倫理：
